 | | Zibersegurtasuneko Simulakroen zerbitzua Zure operatiba arriskuan jarri gabe, zuzendaritza-taldea eta teknikariak benetako zibererasoei aurre egiteko entrena ditzazun zerbitzua eskainiko dizugu. Simulakroen hainbat tematikaren bidez, aukera izango duzu ahultasunak identifikatzeko, protokoloak hobetzeko eta, benetan beharrezkoa denean, erabaki hobeak hartzeko. | | |
 | | Global Training bekak · Nazioartekotzea Itzulingururik gabe, jarraitu pauso hauei: - Berrikusi eskakizunak eta ziurtatu araudia betetzen duzula.
- Prestatu zure dokumentazioa: CVa eta ingeles maila akreditatuta.
- Kontsultatu eskuragarri dauden bekak, eta hautatu gehien interesatzen zaizuna.
- Aurkeztu zure eskaera erakunde laguntzailean uztailaren 15etik irailaren 12ra.
- Erakutsi zure motibazio eta potentziala: prozesuak zure prestakuntza, jarrera eta profesionalki hazteko zure gogoak baloratuko ditu.
| | |
 | | Nazioarteko Gauzatu Programa - Inbertsioa Euskadiko enpresei laguntzen diegu nazioartekotze-prozesuan, interesik gabeko finantzaketa itzulgarriarekin (5 urteko epean, urtebeteko gabealdiarekin), eta 5M €-ko guztizko aurrekontuarekin.
Laguntzara sarbidea izango duzu baldintza hauek betez gero: - Gutxienez 120.000 €-ko inbertsioa jasotzen du.
- Instalazioak atzerrian irekitzea, zabaltzea edo berritzea barne hartzen du.
- Beste aktibo batzuk ere barne hartzen ditu: lurrak, makinak, softwarea edo jabetza industriala, adibidez.
- Gehienez 36 hilabeteko epean gauzatu behar da.
Laguntzak azpiegitura, teknologia edo babes intelektuala estaltzen ditu, nazioarteko ezarpen sendo eta estrategikoa bermatzeko. | | |
 | | Indartu programa - Ibilgetuan inbertitzea Itzuli beharrik gabeko dirulaguntza, egindako inbertsioaren % 15era artekoa, gehienez enpresa bakoitzeko 3M€-koa, honako hauek egiteko: - Lursailak eta eraikuntzak erostea (biltegi logistikoak barne).
- Ekipamendu teknikoa: makinak, tresnak eta instalazio industrialak
- Produkzio-prozesuari lotutako ekipo eta programa informatikoak.
- Jabetza industrialeko eta patenteen gastuak.
Baliabide propioekin egindako % 25eko gutxieneko ekarpena eta egindako inbertsioak mantentzeko konpromisoa eskatzen du. | | |
 | | Hazinnova programa - Berrikuntza Fabrikazio, logistika, merkaturatze eta administrazio eta finantza arloko kudeaketaren berrikuntzako mikroproiektuak bultzatzen ditugu.
Hiru hilabete eskasetan, zure ETEak emaitza zehatzak dituzten mikroproiektuak jarri ahal izango ditu martxan, adituen laguntzarekin, lan egiteko eta zure negozioa haziarazteko zure modua eraldatzen lagun diezazuten. | | |
 | | Zibersegurtasun arloko gaitasun digital profesionalen programa - Eraldaketa digitala Zibererasoak orain ez dira urrutiko aukera soila. Enpresa askoren kasuan, arriskua eguneroko ohituretan dago: pasahitz ahulak, babesik gabeko nabigazioa edo mehatxu digitalen aurreko kontzientziarik eza. Programa honek 8.100 € arte eskaintzen ditu kosturik gabeko aholkularitzan, zure langileen zibersegurtasuneko gaitasun digitalen benetako maila ebaluatzeko eta hobekuntza-plan pertsonalizatua diseinatzeko.
Aholkularitza-enpresa espezializatuekin elkarlanean, diagnostiko profesionala, ibilbide-orri errealista eta zure eragiketara egokitutako prestakuntza-proposamenak jasoko dituzu. Hori guztia, zure aurrekontuan eragin gabe eta IKANOS sistema eta DIGCOMP Europako esparrua bezalako tresna ziurtatuekin. | | |
 | | Azpitek programa - I+G Eskuratu % 100 arteko dirulaguntzak zure ikerkuntza pauso bat aurrera eraman ahal izateko beharrezko ekipamendua erosi edo hobetzeko, arreta adimen artifizialean, trantsizio energetikoan edo osasungintza aurreratuan jarrita.
Laguntza horiei esker, anbizio handiko proiektuei ekin ahal izango diezu, zure barne-gaitasunak indartu ahal izango dituzu, nazioarteko lankidetzak erakarri ahal izango dituzu eta emaitzak Euskadiko industria-egiturara transferitu ahal izango dituzu. Hori guztia, gainera, I+G arloan berme osoz lehiatzeko azpiegitura kritikoen kostua zure gain hartu beharrik izan gabe. | | |
 | | Barnekintzaile programa - Ekintzailetza Barnekintzaile 2025ek 30.000 €-rainoko laguntzak eskaintzen dizkizu fase bakoitzeko, barne-ekintzailetzako proiektuak definitzeko, baliozkotzeko eta finantzatzeko, BICen laguntza adituarekin eta ideiatik ezarpeneraino arteko ibilbidearekin.
Jarduera berriak arakatzeko, produktu berri bat merkaturatzeko edo ezagutza bat negozio bihurtzeko, programa hau dibertsifikatzen laguntzeko diseinatuta dago, irizpideak oinarritzat hartuta, urratsez urrats eta beharrezkoak ez diren arriskuak zure gain hartu beharrik izan gabe. | | |
 | | Ekintzaile programa - Ekintzailetza 30.000 eurora arte laguntzetan eta BICeko adituen laguntzaren bidez, zure proiektua baliozkotuko duzu, baita merkaturatu ere, eta hazten lagunduko dion finantzaketa lortuko duzu. Zure ideia berritzailea bada, eta bermeekin ekin nahi izanez gero, eman gurekin lehenengo pausoa. | | |
 | | Enpresa Zibersegurtasuneko programa - Eraldaketa Digitala Programak laguntza integrala eskaintzen du, eta hasierako diagnostikotik hasi eta soluzioen gauzatzera arteko estaldura eskaintzen du, honako hauek barne: - IT/OT sareen segmentazioa.
- Urruneko sarbideen sekurizazioa.
- Auditoretzak eta erasoen simulazioak.
- Gailu elektronikoen ebaluazioa.
- Taldearen prestakuntza.
- CPDEn erreplikazioa.
- Araudia betetzea eta informazio sentsiblea babestea.
- Segurtasun perimetralaren monitorizazioa, besteak beste.
Kalteberatasunak identifikatu, ekintza-plan pertsonalizatua diseinatu eta babes ekonomikoarekin gauzatu ahal izango duzu: 23.000 € arte aholkularitza espezializatuan, eta 18.400 € arte babeseko teknologiarako. | | |
 | | Kloud programa - Eraldaketa Digitala Kloud programak zerbitzu eta azpiegiturak Cloud ingurune komertzialetara migratu nahi dituzten Euskadiko enpresei laguntza ekonomikoa ematen die. Laguntzak kostuaren % 50 arte estaltzen du Cloud estrategia-zerbitzuak kontratatzeko, hardwarea eta lizentziak erosteko eta migrazioa CPD edo barneko areto teknikoetatik egiteko, horren bidez segurtasuna eta eraginkortasun operatiboa hobetzeko. Gehieneko laguntza 50.000 €-koa izango da. | | |
 | | Lortu programa - Enpresak berriz indartzea Programak aditu independente bat kontratatzeko gastuen % 80 arte estaliko du, eta aditu horrek lagunduko dizu negozioaren bideragarritasunari eutsi eta lehiakortasuna indartzera bideratutako ekintza-plana diagnostikatu, diseinatu eta egikaritzen.
Funtsezko erabaki estrategikoak errazteko pentsatuta dago laguntza. Honako hauetarako, besteak beste: - Zor finantzarioak birnegozioatzea
- Eragiketa korporatiboak egitea
- Inbertitzaileak bilatzea
- Plan estrategiko berri bat egitea
| | |
 | | Industria Digitala programa - Eraldaketa Digitala Industria Digitala 2025ek teknologia hauek ezartzen lagunduko dizu: automatizazio industriala, kudeaketa energetikoa, CRM, ERP edo analitika aurreratua.
Gogoan izan: proiektuan beti txertatu behar da aholkularitzako edo ingeniaritzako gutxieneko zerbitzuren bat. Ez dira onartuko hardwarea eta software-lizentziak erostea bakarrik jasotzen duten proiektuak. | | |
 | | SOC (Security Operations Center) programa eta Ziber arloko Ziurtapenak Gero eta enpresa gehiagok, bereziki automobilgintzan, industrian, zerbitzu publikoetan edo teknologian, ISO 27001, TISAX edo ENS bezalako ziurtagiriak eskatzen dituzte kontratuak ixteko, hornitzaileei eusteko edo araudia betetzeko.
SOC laguntzen eta Ziber arloko ziurtagirien programari esker, zerbitzu horiek eskaini ahal izango dituzu, bezero bakoitzeko gehienez 25.000 €-ko finantzaketa publikoarekin. Hazten ari den merkatu batean posizionatzeko, proiektu berriak erakartzeko eta betetzeko... eta konfiantza izateko beharra duten bezeroekin harremanak finkatzeko zuzeneko bidea. | | |
 | | Adimen Artifizial Aplikatuko Programa eta Datuaren Estrategia Adimen artifizialari etekin handiagoa atera nahi dioten ekintzaileentzat, autonomoentzat eta enpresentzat. - Proiektua garatzeko jarduera-zentro bat izan beharko dute Euskadin.
- AAren arloko zerbitzuak ematen dituzten aholkularitza informatikoko eta ingeniaritzako enpresak ez dira sartzen.
- Onuradunaren produktuen/zerbitzuen katalogo propioaren parte diren proiektuak ez dira onartuko.
| | |
|
Hemen da
euskal enpresa |     | | SPRI – Agencia Vasca de Desarrollo Empresarial, Alameda Urquijo, 36 - 4ª Plta., Edificio Plaza Bizkaia, 48011 BILBAO, Bi, España Tel.: 900 929 393 [email protected] |
Jakinarazten dizugu SPRI-Enpresen Garapenerako Euskal Agentziak zure datu pertsonalak tratatzen dituela bere jarduera eta zerbitzuen berri zuri emateko, oinarritzat hartuz zure adostasuna edo erakunde honen interes legitimoa (merkatuteknia jarduerak bezeroekin). Eskubidea daukazu datuetara sartzeko, datuak zuzendu zein ezabatzeko, datuen tratamendua mugatzeko, datuak aurkatzeko edo beste norabait eramateko, mezu elektroniko bat bidalita noiznahi helbide honetara: [email protected]. Etorkizunean SPRI Taldearen komunikaziorik jaso nahi ez baduzu, esteka honen bidez eska dezakezu. Gogoan izan: beti aukera ditzakezu zure lehentasunak, eta interesatzen zaizkizun buletinak eta komunikazioak bakarrik jaso. Horretarako, zure harpidetza editatu behar duzu. Editatu nire harpidetza | Harpidetu eta jaso gure jakinarazpenak | Lege-informazioa | Harremanetarako |
|
